Klettastígur 6

Klettastígur 6 er með þremur íbúðum og í hverri íbúð eru fjögur einstaklingsherbergi. Hver íbúð hefur að auki anddyri, eldhús, setustofu og tvö baðherbergi. Í setustofum er sjónvarp og sófi, og eldhúsin eru búin helstu áhöldum og tækjum. Hver tvö herbergi hafa sameiginlegan gang og baðherbergi. Í húsinu er sameiginlegt þvottahús og geymslurými fyrir hvert herbergi. Þá eru sorp- og hjólageymslur í útihúsi. Á Klettstíg 6B er herbergi og baðherbergi þar sem gert er ráð fyrir aðgengi fyrir einstaklinga með hreyfihamlanir. 

• Samgöngur: Frá Klettastíg er um tíu mínútna gangur að háskólasvæðinu á Sólborg, og stutt í strætóstopp.
• Umhverfi: Skammt frá Klettastíg er leikskóli á vegum Akureyrarbæjar, grunnskóli, sundlaug, líkamsrækt og folf-völlur. Þaðan er stuttur gangur í miðbæ Akureyrar. 
• Orka: Rafmagn og hiti eru á sameiginlegum mælum.
• Tæki og búnaður: Einstaklingsherbergin eru búin rúmi, skrifborði og gluggatjöldum. Þvottavélar og þurrkarar eru í sameiginlegu þvottahúsi. Notkun tækja er gjaldfrjáls.
• Úthlutunarreglur: Umsóknum er raðað í forgangsröð eftir úthlutunarreglum. 
• Internet: Í öllum íbúðum FÉSTA er ljósleiðari frá Tengi. Þannig geta íbúar pantað sér internetþjónustu frá þeim þjónustuaðila sem hentar og greiða fyrir það sérstaklega.
• Viðskilnaður húsnæðis: Líkt og gengur og gerist á leigumarkaðnum eiga allir íbúar FÉSTA að skilja við leiguhúsnæði sitt á snyrtilegan hátt. Hér má nálgast gátlista fyrir viðskilnað herbergja. 
• Umgengnisreglur: Íbúar eru hvattir til að kynna sér og fara eftir umgengnisreglum húsnæðis í eigu FÉSTA, sjá hér.